Deall y newidiadau i’r Ddeddf Dedfrydu 2026 a sut i gael cymorth

Mae Llywodraeth y Deyrnas Unedig yn cyflwyno newidiadau i drefniadau rhyddhau o’r carchar trwy Ddeddf Dedfrydu 2026. Bwriad y newidiadau yw helpu i sicrhau bod digon o le mewn carchardai, gan sicrhau bod troseddwyr yn cael eu goruchwylio’n llym pan gânt eu rhyddhau er mwyn cadw dioddefwyr a’r cyhoedd yn ddiogel.

Mae’r Ddeddf Dedfrydu 2026 yn newid faint o amser mae rhai troseddwyr yn ei dreulio yn y carchar cyn cael eu rhyddhau i fwrw gweddill eu dedfryd ar drwydded.

Bydd model tair rhan newydd yn cael ei chyflwyno ar gyfer dedfrydau penodol safonol o’r enw ‘Model Cynnydd’. Mae amddiffyn dioddefwyr yn parhau i fod yn flaenoriaeth. Bydd pob troseddwr sy’n cael ei ryddhau trwy’r Model Cynnydd yn ddarostyngedig i amodau trwydded llym a chyfnod o oruchwyliaeth ddwys.

Nid yw’r newidiadau hyn yn berthnasol i fwy na 18,000 o droseddwyr. I gael rhestr o droseddau nad yw’r model hwn yn berthnasol iddynt, ewch i sentencing act offence exclusions.

Mae rhagor o wybodaeth am y Model Cynnydd, beth sy’n newid, sut gall dioddefwyr gael gwybodaeth a pha gymorth sydd ar gael i’w gweld yma: A guide for victims about the changes to prison release arrangements – GOV.UK


Sut i gael cymorth

Os ydych chi wedi cael eich effeithio gan y newidiadau hyn neu os ydych yn pryderu am ryddhau troseddwyr, mae gwasanaethau lleol ar gael i roi cymorth i chi. Dysgwch sut i gael cymorth isod.

Mae Llinell Gymorth Rhyddhau Troseddwyr benodol Cymorth i Ddioddefwyr yn rhoi gwybodaeth, cymorth emosiynol ac ymarferol, a help i fynd at wasanaethau eraill i bobl sydd wedi cael eu heffeithio gan, neu sy’n pryderu am ryddhau troseddwr.

Nod y Llinell Gymorth yw:

• Gwrando ar bryderon dioddefwyr a goroeswyr a chynnig cymorth emosiynol
• Trafod lles, diogelwch a’r camau nesaf posibl
• Rhoi arweiniad ymarferol a helpu galwyr i ddeall beth all y newidiadau ei olygu
• Esbonio sut gall rhywun chwilio am ragor o wybodaeth. Ni all y Llinell Gymorth roi gwybodaeth am droseddwyr ac achosion unigol na dyddiadau rhyddhau penodol
• Helpu pobl i gael cymorth parhaus neu arbenigol lle y bo’n briodol.

 
Gallwch gysylltu â’r Llinell Gymorth ar 0808 168 9280.

Mae rhagor o wybodaeth am y Llinell Gymorth a’r cymorth sydd ar gael i’w gweld yma: https://victimsupport.org.uk/offender-release-helpline.

Gallwch gysylltu â Chymorth i Ddioddefwyr Gwent hefyd www.victimsupport.org.uk/gwent
Neu ffoniwch 0300 303 5638