Log Penderfyniadau

Mae Swyddfa Comisiynydd yr Heddlu a Throsedd Gwent wedi cyfrannu £10,000 tuag at raglen dreialu ymyrraeth ar gyfer Cam-drin Domestig gan yr Heddlu (PPDA). Mae'r rhaglen Drive yn cynnig ymyrraeth a chymorth un i un i bobl sydd yn debygol iawn o gyflawni cam-drin domestig.

Mae'r ddarpariaeth Oedolyn Priodol ar gyfer oedolion (18 oed a hŷn) agored i niwed sy'n cael eu cadw yn y ddalfa neu yn cael eu holi fel person dan amheuaeth mewn ymchwiliad. Mae'n bosibl y bydd heddluoedd angen cyfweld â dioddefwyr/tystion sy'n oedolion agored i niwed gyda phroblemau iechyd meddwl, nad oes ganddynt unrhyw gymorth arall, yn achlysurol hefyd.

Roedd y contract Oedolyn Priodol yn dod i ben 30 Tachwedd 2024.

Caeodd y cyfnod tendro ar 14 Awst 2024 a derbyniwyd dau gais.

Yn dilyn proses dendro penderfynwyd mai Adferiad Recovery oedd wedi cyflwyno'r tendr mwyaf manteisiol yn economaidd. Yn ogystal, Adferiad Recovery a sgoriodd y marciau uchaf at ei gilydd yn erbyn y meini prawf gwerthuso tendr ar gyfer Lot 1 Gwent a De Cymru.

Ar gyfer blwyddyn ariannol 2024/25, mae'r Swyddfa Gartref wedi darparu £259,739 i Gomisiynydd yr Heddlu a Throsedd Gwent i gefnogi'r gwaith o weithredu'r Ddyletswydd, gyda £163,437 o'r cyllid hwn y mynd i gefnogi ymyraethau. Mae'r gweddill ar gyfer costau llafur sy'n gysylltiedig â chyflawni gofynion eraill y Ddyletswydd.

Ei nod yw cefnogi trefniadau Rheoli Integredig Troseddwyr trwy adeiladu a chynnal gallu proffesiynol strategol a thactegol, gan wasanaethu pob partner ledled Cymru.

Dechreuodd y swydd ym mis Ionawr 2021 am gyfnod o 24 mis; fodd bynnag, daeth y swydd yn wag ym mis Tachwedd 2021. Penderfynodd partneriaid i recriwtio i'r swydd eto yn 2022/23 a dyfarnwyd contract newydd am 24 mis.

Bydd y tîm Glasbrint yn gyfrifol am gyflawni yn erbyn y cynllun gweithredu Glasbrint VAWDASV a gyhoeddwyd gan Lywodraeth Cymru ym mis Mai 2022.

Mae'r cofnod penderfyniad hwn yn gweithredu fel estyniad i Gofnod Penderfyniad PCCG-2023-032 o fis Mawrth 2024, a oedd yn nodi cyllid i gyflawni prosiect Develop and Grow a Strong Future am un flwyddyn sy'n cael ei gynnal gan Brynmawr Interact ar gyfer blwyddyn ariannol 2024/25. Mae'r prosiect yn sicrhau darpariaeth gweithgareddau, sgiliau bywyd, gweithdai a chyfleoedd arweinyddiaeth i blant a phobl ifanc sy'n byw mewn ardal ddifreintiedig; ac yn fodd o sicrhau bod gweithgareddau a chyfleoedd mewn lle i dynnu sylw plant a phobl ifanc oddi wrth ymddygiad troseddol a lleihau faint o blant a phobl ifanc sydd mewn perygl o fynd i mewn i'r system cyfiawnder troseddol.

Mae cyllideb o £698,568 wedi cael ei phennu ar gyfer diogelwch cymunedol a throseddau ieuenctid yng Ngwent. Mae £538,928 o'r gyllideb yma wedi cael ei hymrwymo ar gyfer partneriaid awdurdod lleol a phartneriaid nad ydynt yn awdurdod lleol. O'r gyllideb sy'n weddill, mae Comisiynydd yr Heddlu a Throsedd wedi cytuno i roi £3,000 i Newport Business against Crime i gynnal ei system radio ar draws canol y ddinas am weddill y flwyddyn ariannol 2024/25. Mae Newport Business against Crime yn gweithio gyda manwerthwyr ac eiddo trwyddedig yng nghanol y ddinas i roi cymorth ac i gyd-gysylltu gwaith i leihau trosedd ac ymddygiad gwrthgymdeithasol yng nghanol dinas Casnewydd.

O gyllideb 2024/25 Swyddfa’r Comisiynydd, mae Comisiynydd yr Heddlu a Throsedd wedi cytuno i roi £5,000 i Siop Siarad Coed-duon i gynnal ei brosiect am weddill blwyddyn ariannol 2024/25.  Mae'r prosiect yn bodoli i roi cymorth i aelodau'r gymuned, gwella cydlyniant cymunedol a lleihau trosedd ac ymddygiad gwrthgymdeithasol yng Nghoed-duon a'r ardaloedd o amgylch. Bydd y cyllid yn cefnogi'r Siop Siarad fel adnodd i'r gymuned ac yn annog mwy o ymgysylltu gyda Heddlu Gwent.

Bydd hyn yn ymestyn y ddarpariaeth hyd at 31 Mawrth 2025. Mae Cronfa Gymunedol yr Heddlu yn defnyddio arian a gafwyd trwy'r Ddeddf Enillion Troseddau. Nod y Gronfa yw galluogi plant a phobl ifanc yng Ngwent i fod yn ddiogel, yn iach, ac yn hapus, gan adeiladu dyfodol gwell iddyn nhw eu hunain a'u cymunedau, trwy rymuso Heddlu Gwent i roi sylw i broblemau yn y gymuned mewn ffordd barhaus ac effeithiol.