Log Penderfyniadau

Mae hyn yn unol â pharagraffau 20-21 Rheolau Sefydlog Contract yn y Llawlyfr Llywodraethu Corfforaethol.

Mae Rheoli'r Trysorlys yn cynnwys benthyca, buddsoddi, bancio a rheoli llif arian. Mae’n ofynnol bod y Comisiynydd yn mabwysiadu a chydymffurfio â Chod Darbodus CIPFA ar gyfer Cyllid Cyfalaf mewn Awdurdodau Lleol a Chod Ymarfer CIPFA ar Reoli'r Trysorlys. Mae Strategaeth Rheoli'r Trysorlys ac Arferion Rheoli'r Trysorlys wedi cael eu cytuno er mwyn cydymffurfio â'r codau.

Mae'r Comisiynydd yn fodlon bod yr holl ddatganiadau a wnaed gan swyddogion a staff yn dderbyniol yn unol â'r polisïau a gweithdrefnau perthnasol.

Nod y polisi yw sicrhau bod staff Swyddfa’r Comisiynydd Heddlu a Throsedd yn gallu darparu gwasanaeth teg a hygyrch i’w defnyddwyr gwasanaeth a rheoli cyswllt gyda lleiafrif bach iawn o ddefnyddwyr gwasanaeth y mae eu gweithredoedd neu ymddygiad yn cael eu hystyried i fod yn annerbyniol.

Mae Deddf Plismona a Throsedd 2017 yn cynnwys newidiadau i system cwynion yr heddlu lle mae comisiynwyr heddlu a throsedd yn cael cyfle i gymryd mwy o gyfrifoldeb yn y maes hwn. Roedd y Ddeddf yn rhoi tri opsiwn i gomisiynwyr heddlu a throsedd eu hystyried ac ar ôl adolygu'r opsiynau yn ofalus mae'r Comisiynydd wedi dewis yr opsiwn gorfodol, Model 1; sy'n rhoi trosolwg manylach iddo ar y system cwynion a chyfrifoldeb dros ymdrin ag apeliadau (adolygiadau).

Darperir y grant ar y sail y bydd yn derbyn pa bynnag wybodaeth sydd ei hangen i'w sicrhau bod y cyllid grant wedi cael ei ddefnyddio'n effeithiol i ddarparu gwasanaeth sy'n cefnogi ei flaenoriaethau ar gyfer Gwent, fel sy'n cael eu nodi yn ei Gynllun Heddlu a Throseddu a'i fod yn cyd-fynd â gofynion plismona lleol.

Cost ar gyfer 2019-20: £34,000 (yn cynnwys cyflog staff, costau swyddfa, costau rheoli a phensiwn).

Mae hyn yn unol â pharagraff 124(b) Rheolau Sefydlog Contract yn y Llawlyfr Llywodraethu Corfforaethol.