Croeso i Gronfa Gymunedol Comisiynydd yr Heddlu a Throsedd
Ydych chi'n cyflawni prosiectau sy'n helpu i wneud Gwent yn fwy diogel, yn decach ac yn fwy gwydn? Mae Cronfa Gymunedol y Comisiynydd Heddlu a Throsedd yma i gefnogi sefydliadau trydydd sector a sefydliadau buddiant cymunedol sy'n gweithio tuag at y blaenoriaethau a nodir yn y Cynllun Heddlu, Troseddu a Chyfiawnder. Gyda grantiau'n amrywio o £1,000 i £50,000, mae'r gronfa hon wedi'i chynllunio er mwyn helpu i wireddu syniadau arloesol sy'n canolbwyntio ar y gymuned—p'un a ydych yn grŵp sydd newydd ei ffurfio neu'n sefydliad sefydledig.
Pam Gwneud Cais?
- Cyllid Hyblyg: Gwnewch gais am grantiau rhwng £1,000 a £50,000 i gefnogi cyflawniad eich prosiect drwy ein llwybrau grantiau bach neu fawr.
- Gweithio Mewn Partneriaeth: Gweithiwch gyda ni tuag at nodau diogelwch a chyfiawnder cymunedol cyffredin sydd hefyd yn sicrhau'r llwyddiant gorau posibl i'ch prosiect.
- Cydnabyddiaeth Gyhoeddus: Codwch ymwybyddiaeth o'ch gwaith drwy gyfleoedd hyrwyddo a gwelededd partneriaeth.
Pwy All Wneud Cais?
Rydym yn croesawu ceisiadau gan sefydliadau nid–er-elw y mae eu gwaith yn cyfrannu at flaenoriaethau Cynllun yr Heddlu, Trosedd a Chyfiawnder, gan gynnwys atal troseddu ac ymddygiad gwrthgymdeithasol, gwneud Gwent yn lle mwy diogel i fyw, cefnogi dioddefwyr a phobl agored i niwed a lleihau aildroseddu. Mae hyn yn cynnwys elusennau, sefydliadau gwirfoddol a chwmnïau buddiant cymunedol sy'n awyddus i gyflawni prosiectau fel rhaglenni allgymorth ieuenctid, mentrau cymunedol, eiriolaeth a chymorth, a chodi ymwybyddiaeth wedi'i dargedu.
Am y meini prawf cymhwysedd llawn, cyfeiriwch at y Ddogfen Canllawiau a Meini Prawf.
Sut i Wneud Cais
Y dyddiad cau nesaf ar gyfer ceisiadau yw 21 Tachwedd 2025. Ni dderbynnir unrhyw geisiadau hwyr.
Mae gwneud cais yn syml:
- Paratowch Eich Cynnig: Cynlluniwch eich prosiect, ei amcanion a'i ganlyniadau, a sut mae'n cefnogi'r Cynllun Heddlu, Trosedd a Chyfiawnder yn glir.
- Cwblhewch y Ffurflen Gais: Lawrlwythwch a chwblhewch y ffurflen, gan gynnwys yr holl wybodaeth a dogfennaeth ofynnol i sicrhau nad oes oedi wrth brosesu eich cynnig.
- Cyflwynwch Eich Cais: E-bostiwch eich ffurflen wedi’i chwblhau i PCCFunding@gwent.police.uk erbyn y dyddiad cau penodol.
- Llinell amser dyfarnu: Caiff ceisiadau eu hasesu gan banel, a rhoddir hysbysiad o ganlyniad y cais o fewn tua 8-10 wythnos.
Ffurflen gais: £1,000 - £10,000
Ffurflen gais: £10,000 - £50,000
Angen Cymorth?
Os oes gennych unrhyw gwestiynau neu os oes angen cymorth arnoch gyda'ch cais, cysylltwch â ni yn PCCFunding@gwent.police.uk. Rydym ni yma i helpu.