Swyddi Gwag

SEDDI GWAG AR Y CYDBWYLLGOR ARCHWILIO

Ydych chi eisiau helpu i hybu a chraffu ar lywodraethu corfforaethol yn y maes plismona? Allech chi fod yn llais cadarn ac annibynnol ar reolaeth fewnol?

Mae Comisiynydd yr Heddlu a Throsedd Gwent a Phrif Gwnstabl Gwent eisiau penodi dau o bobl i eistedd fel aelodau annibynnol o’r Cydbwyllgor Archwilio sydd â phrofiad a dealltwriaeth dda o ddeddfwriaeth a chanllawiau sector cyhoeddus. 

Mae’r Cydbwyllgor Archwilio’n adolygu ac yn craffu ar faterion Swyddfa Comisiynydd yr Heddlu a Throsedd a Heddlu Gwent, gan edrych ar faterion fel rheoli risg, rheolaeth fewnol a llywodraethu corfforaethol yn ogystal â goruchwylio trefniadau archwilio ac adolygu datganiadau ariannol.

Mae gofyn i un o’r ddau aelod newydd fod a phrofiad mewn rheoli risg naill ai yn y sector cyhoeddus neu’r sector preifat.

Bydd y penodiad am bum mlynedd i ddechrau. Gall aelodau fod yn gymwys i eistedd am bum mlynedd arall yn amodol ar berfformiad boddhaol.

Os oes gennych chi ddiddordeb mewn bod yn aelod o’r Cydbwyllgor Archwilio, cyflwynwch lythyr eglurhaol a Curriculum Vitae i Commissioner@gwent.police.uk

I gael rhagor o wybodaeth am Swyddfa Comisiynydd yr Heddlu a Throsedd, cysylltwch â Sian Curley ar 01633 642200.

I gael rhagor o wybodaeth am Heddlu Gwent, ewch i www.gwent.police.uk neu cysylltwch â Matthew Coe ar 01633 642398.

Sylwer: Bydd ymgeiswyr llwyddiannus yn destun gwiriadau cefndir (fetio) cyn y gellir cadarnhau penodiad.

Dyddiad cau: 10pm dydd mercher 12 Tachwedd 2025
Bydd angen i ymgeiswyr sy’n cyrraedd y rhestr fer fod ar gael am gyfweliad ddydd Mercher 3 Rhagfyr 2025.

Rhagor o wybodaeth:

Egwyddorion Gweithredu a Chylch Gwaith y Cydbwyllgor Archwilio
Adroddiad Blynyddol y Cydbwyllgor Archwilio
Agendau a Chyfrifon y Cydbwyllgor Archwilio
Cyd-Bwyllgor Archwilio | Gwent Police and Crime Commissioner
Datganiad Cyfrifon
Cynllun Heddlu a Throsedd Gwent
Adroddiad Blynyddol Cynllun Heddlu a Throsedd Gwent