Y Bwrdd Atebolrwydd a Sicrwydd

Y Bwrdd Atebolrwydd a Sicrwydd yw'r prif fforwm lle mae Comisiynydd yr Heddlu a Throsedd yn dwyn y Prif Gwnstabl i gyfrif yn unol ag adran 1(8) o Ddeddf Diwygio'r Heddlu a Chyfrifoldeb Cymdeithasol 2011. Y Bwrdd fydd y prif fforwm ymgynghori ar benderfyniadau strategol sy'n effeithio ar y Comisiynydd a'r Prif Gwnstabl hefyd.

Mae'r Bwrdd Atebolrwydd a Sicrwydd yn gyfrifol am y canlynol:

  • Unrhyw faterion sy'n ymwneud ag effeithiolrwydd ac effeithlonrwydd y gwasanaeth plismona a ddarperir yng Ngwent.
  • Gwaith monitro a rheoli cyflawniad yn erbyn Cynllun yr Heddlu a Throsedd.
  • Asesu hyfywedd a phenderfyniadau ynghylch ymrwymo i ymgyrchoedd cydweithredol.
  • Adolygu gwaith darparu plismona gweithredol trwy wybodaeth am berfformiad.
  • Adolygu a monitro gwaith rheoli'r gyllideb gan y Prif Swyddog Cyllid (Prif Gwnstabl).
  • Goruchwylio dosbarthiad a lefelau staffio ac adnoddau ar gyfer darparu gwasanaethau heddlu.
  • Adolygu ac adnabod pryderon y gymuned ynghylch plismona a rhoi cynlluniau ar waith i roi sylw i'r problemau hynny.
  • Trafod unrhyw broblemau sy'n deillio o weithrediad y Memorandwm Cyd-ddealltwriaeth, cynllun cydsynio a pholisïau a gweithdrefnau allweddol eraill.
  • Diweddariadau ar ddigwyddiadau critigol parhaus a bygythiadau a risgiau strategol. Oherwydd natur sensitif rhai o'r materion a'u lefel dosbarthiad dan gynllun marcio amddiffynnol y llywodraeth, bydd cofnodion yn ymwneud â'r eitemau hyn yn ddarostyngedig i gyfyngiadau cyhoeddi priodol.
  • Strategaethau:
    • Cynllun Cydraddoldeb Strategol
    • Cyfathrebu/Ymgysylltu (yr Heddlu a Swyddfa'r Comisiynydd)
    • Fflyd
    • Caffael
    • Ystadau
    • TGCh
    • Rheoli Asedau
    • Pobl a Dysgu a Datblygu
    • Rheoli Risg

Mae aelodaeth y Bwrdd yn cynnwys Comisiynydd yr Heddlu a Throsedd, Dirprwy Gomisiynydd yr Heddlu a Throsedd, Pennaeth Staff Swyddfa Comisiynydd yr Heddlu a Throsedd (Swyddfa'r Comisiynydd), Prif Swyddog Cyllid Swyddfa'r Comisiynydd a'r Prif Gwnstabl. Gall Comisiynydd yr Heddlu a Throsedd a'r Prif Gwnstabl wahodd pobl eraill i fod yn bresennol yn ôl eu disgresiwn i roi cyngor proffesiynol i'r Bwrdd.

Cylch Gwaith y Bwrdd Atebolrwydd a Sicrwydd

Gellir cynnal cyfarfodydd y Bwrdd Atebolrwydd a Sicrwydd yn gyhoeddus a byddant yn dechrau am 10am oni bai y nodir yn wahanol. Os ydych chi eisiau bod yn bresennol mewn cyfarfod o'r Bwrdd Atebolrwydd a Sicrwydd ac eisiau clywed y cyfarfod yn Gymraeg, rhowch wybod i Swyddfa Comisiynydd yr Heddlu a Throsedd o leiaf bythefnos cyn dyddiad y cyfarfod er mwyn i ni wneud trefniadau priodol.

Mae dyddiadau cyfarfodydd 2025 fel a ganlyn: