Log Penderfyniadau

Mae CARA yn cynnig ymyrraeth gynnar o fewn y system Cyfiawnder Troseddol, yn targedu troseddwyr cam-drin domestig sy'n bodloni meini prawf penodol i dderbyn rhybuddiad amodol.

Cytunwyd i ddyfarnu £75,000 ar gyfer blwyddyn 1 a £50,000 ar gyfer blwyddyn 2 i gyfrannu at gomisiynu gwasanaeth CARA gyda Chomisiynydd yr Heddlu a Throsedd De Cymru ar gyfer ardaloedd Heddlu Gwent a Heddlu De Cymru.

Mae'r Llawlyfr Llywodraethu Corfforaethol yn cael ei adolygu bob blwyddyn gan y Grŵp Cynllunio Strategol. Fel arfer byddai'r Cydbwyllgor Archwilio yn derbyn y diwygiadau i'r Llawlyfr Llywodraethu Corfforaethol i'w cymeradwyo cyn cyfarfod y Bwrdd Perfformiad Strategaeth. Fodd bynnag, oherwydd newidiadau i ddyddiadau'r cyfarfod, cymeradwywyd y diwygiadau mewn egwyddor gan y Comisiynydd a'r Prif Gwnstabl yng nghyfarfod y Bwrdd Perfformiad Strategaeth ar yr 7 Fawrth 2024 yn amodol ar unrhyw ddiwygiadau a argymhellwyd gan y Cydbwyllgor Archwilio ar y 21 Fawrth 2024.

Yn y cyfarfod Plismona yng Nghymru a gynhaliwyd ar y 23ainMehefin 2022, cafodd papur ei gyflwyno a'i gymeradwyo gan y Grŵp yn amlinellu disgrifiad swydd y Cydgysylltydd Busnes Cymru Gyfan. Nod y rôl arfaethedig oedd rhoi mwy o gefnogaeth i waith llywodraethu a chraffu'r cyfarfod Cymru Gyfan.

Mae cyllid wedi cael ei ddyfarnu i'r sefydliadau canlynol:

St Giles Trust - £134,044.39

• Darparu ymyrraeth un i un brys i bobl ifanc a'u teuluoedd sydd mewn perygl o fod yn ymwneud â thrais difrifol a throseddau trefnedig; a darparu rhaglen 'Fearless' mewn ysgolion ar y cyd â Crimestoppers.

Ymddiriedolaeth Crimestoppers - £44,553

Darparu rhaglen 'Fearless' i ddisgyblion Blwyddyn 7 mewn sefydliadau addysgol ar y cyd â St Giles Trust; a rhoi cymorth wedi'i dargedu i ysgolion mewn ardaloedd lle mae trais difrifol neu droseddau trefnedig yn broblem

Mae Comisiynydd yr Heddlu a Throsedd Gwent wedi cytuno i ddyfarnu cyllid grant o £215,822.57 o Gronfa Gymunedol yr Heddlu y Comisiynydd i chwe phrosiect. Yn ogystal, dyfarnwyd cyllid ail neu drydedd flwyddyn mewn egwyddor i chwe phrosiect a dderbyniodd arian yn flaenorol yn 2022/23 a 2023/24, yn amodol ar dderbyn adroddiadau boddhaol a chydymffurfiaeth gyda thelerau ac amodau grant. Mae hyn yn dod â chyfanswm yr arian a ddyfarnwyd yn 2024/25 i £423,174.80.

Mewn Cofnod Penderfyniad blaenorol – PCCG-2023-017 https://www.gwent.pcc.police.uk/en/decisions/pccg-2023-017/ cofnodwyd bod dyraniad cyllid wedi cael ei gytuno yn dilyn trafodaethau trwy Weithgor Dyletswydd Trais Difrifol Gwent.

Fodd bynnag, ers hynny, yn dilyn trafodaethau pellach gyda'r holl bartneriaid, roedd angen addasu'r dyraniad cyllid, felly mae'r cofnod penderfyniad yma'n cofnodi'r dyraniad diwygiedig yn dilyn y cyfarfodydd hyn ym mis Rhagfyr 2023.

Ar ôl prisiad, nodwyd mai Glen Group Ltd oedd yn darparu'r tendr mwyaf manteisiol yn economaidd gan dderbyn y marciau cyffredinol uchaf yn erbyn y meini prawf.

Cyfnod y contract yw pum (5) mlynedd i ddechrau - 1 Ebrill 2024 - 31 Mawrth 2029, gydag opsiwn i ymestyn yn flynyddol tan 31 Mawrth 2033.

Mae hyn yn unol â pharagraffau 84-86 Rhan 3e y Llawlyfr Llywodraethu Corfforaethol - Rheolau Sefydlog yn ymwneud â Chontractau.