Dweud eich Dweud

Mae eich barn yn bwysig i mi.

Eich adborth chi ar faterion megis trosedd ac ymddygiad gwrthgymdeithasol, a'ch profiadau chi yn ymdrin â'r heddlu sy'n helpu i lunio'r Cynllun Heddlu a Throseddu 2017-2021 sy'n llywio gwaith Heddlu Gwent.


Ymgynghori ac Ymgysylltu

Bydd ymgynghoriadau cyfredol yn cael eu dangos ar y dudalen hon wrth iddynt ddigwydd.

Gellir gweld canfyddiadau ymgynghoriadau blaenorol a gynhaliwyd gan Swyddfa'r Comisiynydd Heddlu  a Throseddu yma.


I sicrhau fy mod yn gallu clywed am y materion sydd o bwys i chi am blismona, mae fy swyddfa'n cynnal ac yn bresennol mewn nifer o ddigwyddiadau i ymgysylltu â'r cyhoedd trwy gydol y flwyddyn. Rwyf hefyd yn cynnal cymorthfeydd ac yn mynd allan i gwrdd â phobl ledled Gwent er mwyn trafod unrhyw faterion wyneb yn wyneb. Bydd yr holl ddigwyddiadau hyn yn cael eu cyhoeddi ar y wefan hon ac ar draws ein sianelau cyfryngau cymdeithasol.

Trwy ymgysylltu yn effeithiol â'r cyhoedd fy mwriad yw:

  • Cynyddu ymwybyddiaeth a dealltwriaeth y cyhoedd o swydd a dyletswyddau'r Comisiynydd Heddlu a Throseddu;
  • Cynyddu ymwybyddiaeth a dealltwriaeth y cyhoedd o’r amcanion heddlu a throseddu;
  • Annog pobl i leisio barn am blismona yng Ngwent;
  • Sefydlu a datblygu cydberthnasau gweithio effeithiol gyda'r cyhoedd, ein partneriaid a rhanddeiliaid; a
  • Rhoi adborth ar y materion rydych wedi eu lleisio.

Mae'r holl weithgareddau ymgysylltu ac ymgynghori yn cael eu monitro gan swyddfa'r Comisiynydd bob blwyddyn i weld pa mor effeithiol ydynt. Mae'r ddogfen hon yn nodi sut mae cynllun gweithredu sydd wedi cael ei lunio i gefnogi gofynion y Strategaeth Ymgysylltu a Chyfathrebu ar y Cyd 2018-2022 yn mynd rhagddo. Gallwch weld adroddiadau'r blynyddoedd blaenorol trwy chwilio cofrestrau penderfyniad y Comisiynydd.

Rhannu hyn: